الشرخ الاوسط للكبار فقط

الشرخ الاوسط (للكبار فقط ) اخراج محمد النعناعى

صباح شريف عليكو النهارده حكتب يوم خميس جديد بعنوان الشرخ الاوسط ايون دا فيلمى الجديد عن معاناه الشباب المصرى فى الحياة الاول بس فى سؤال عايز اقوله
ايه هى علاقة القلة بالشرخ الاوسط ؟؟؟ ايوه القلة . حاحكيلكوا حكاية من زمان اوى اعرفكوا بيها ايه العلاقة بين الاتنين دول
مرة كان فى شاب نيجر معدى جاى امريكا هو اصلا مصرى بس راح بعثه علمية و رجع بشكل غريب اوى عليه الكلام دا مثلا نقول من 10 سنين و لا حاجة كدا يعنى و كان بيتكلم فى التليفون بتاعه فى الشارع
hey, what's up man what?? fuck u man oh mother fu..........
الشاب النيجر ماشى و عمال يشتم و شافه اتنين شباب مصريين زى الورد
الاول : و لا حسين شايف الشاب دا اللى هناك دا شايف ياض ستايل اللبس
التانى : ايه دا هو بنطلونه واقع ليه بست بست كابتن كابتن البنطلون بيقع الحق
فى الاخر عرفه ان دا ستايل جاى وش من امريكا فقالك يلا نجرب و نسقط البنطلون احنا كمان . و حصل اللى حصل و سقطوا البنطلونات و من هنا بدا موضوع الشباب السيكا بس فى مصر مش فى امريكا . حلوة دى
بردو احنا مش فاهمين فين القلة و فين الشرخ الاوسط و ايه العلاقة ؟؟؟
اقولكوا انا العلاقة اللى بقول عليها هى دى اللى شايفنها ادامنا كل يوم دلوقتى من 10 سنين بس كانو اتنين دلوقتى تقريبا معظم الناس مسقطة بنطلوناتهم
انتوا : يا نفخى ايه العلاقة انجززززززززززززززززززززززززززز
العلاقة يا سادة يا افاضل ان انا كنت بصلى مرة فى التراويح دخل قصادى واحد من الشباب السيكا اياهم اللى هما بيصلوا اول يوم رمضان بس دول اكيد عارفينهم و هوب مرة واحدة شفت حاجة غريبة اوى قدامى و احنا بنصلى شفت قلة كبيييييييييييييرة و فى وسطها شرخ اوسط كبيييييييييييييييييير
قلت يالهوى يا لهوى ايه دااااااااااا فى الصلاة القلة كدا و الشرخ الاوسط علنى و للاسف بقت كل الناس كدا كل ما تشمى تشوف قلل و شروخ قلل و شروخ و يا سلام بقا لو واحد تخين شوية تلاقى قلة مزدوجة و طريق رأس الرجاء الصالح
خلاص يا سادة كولو بقا سيكا لو جينا نحارب احتمال بردو يسقطوا البنطلونات فى الجيش . على فكرة انا شفت المنظر دا فى الجيش بردو مفيش فايده و تيجى تسالهم يقولك دى روشنة يا شاب يا قديم
هى دى العلاقة بين القلة و الشرخ الاوسط بدات بشاب نيجر و انتهت بمصر كلها

للتوضيح فقط
القلة : جزء من اعضاء الجسم
الشرخ الاوسط : زى ما تقول قلة بس مشروخة

السؤال بقا هو احنا حيجى علينا الدور و نبقى سيكا بردو ؟؟؟؟

عودة التنابلة
السلام عليكم طبعا غيبت كتير اوى عشان اكتب تانى بس كان فى ظروف كدا حاحكيهالكوا بعدين ان شاء الله من غير وجع دماغ ندخل على الموضوع
فاكرين موضوع التنابلة و الحاج محمد الراجل الطيب اللى مات........ طبعا مش فاكرينه اللى عايز يفتكره يقرا موضوع التنابلة
طيب النهارده بقا فيه موضوع جديد و هو عودة التنابلة دول بس مش المدينة لا دول تنابلة سموحه او مدرسة طارق بن زياد . انا برغى كتير صح ؟؟؟ نخش فى الموضوع
كان فى مدرس رياضة عندنا اسمه احمد فايز المدرس دا كنا بنغتت عليه اوى و كان شبه دريد لحام جدا الممثل اللبنانى المهم كنا نقعد نغتت عليه اوى و نخليه ميعرفش يشرح و لا اى حاجة و فى يوم فى اخر السنة بعد معاناته معانا قالنا قصته قصة حياته يعنى
هو راجل عادى اتجوز و خلف بس صرف على ولاده و علمهم فى احسن جامعات و سافروا برا و مسالوش فيه بعدها . الموضوع ان الراجل دا قالنا قصته و قالنا انا معتبركوا زى ولادى تمام و كنت عايز اعمل حاجة معاكو بجد بس طبعا و للاسف احنا بردو مسمعناش
دخلنا الكلية و فى يوم فى سنة اولى عرفنا ان الراجل دا مات .مش عارف بردو مزعلناش و عدينا الموضوع عادى على فكرة انا مش فاكر اسمه كان احمد فايز و لا ايه الصراحة كمان يعنى بس اللى فاكره انه اولمرة استاذ يتعامل معانا كاننا ولاده بجد
انا بكتب الكلام دا لانه مات فى الاوقات دى من السنة و مقدرناش حتى نقرا الفاتحة عليه
اقروله الفاتحة بجد و الموضوع دا لمدرسة طارق بن زياد الثانوية بنين
فى ذكرى استاذى
انا اسف جدا جدا جدا

عودة الابن الضال

دا مش اسم الفيلم لع دا انا . انا الابن الضال كان بقالى شهرين مروحتش من الزقازيق عشان المشروع و عشان الامتحانات بجد حسيت باحساس تانى خالص لما رجعت البيت او لما وصلت اسكندرية كنت طول الفترة اللى فاتت دى متنشن اوى بطريقة بشعة اللى اتخانق معاه و اللى اشتمه و طول الوقت تركيزى فى انى عايز اروح و خلاص و جيت على ناس كتير بالطريقة دى عشان كدا اخدت قرار مع نفسى و دا من ضمن قراراتى .كلام كبير اوى ها؟؟. انى مهما اتغربت او قعدت فى حتة مش بلدى لازم اكون متحكم فى نفسى عشان اعرف اتعامل مع الناس
معلش غبت شوية عشان الامتحانات بس ادام رجعت البيت فانا حارجع اكتب تانى ان شاء الله و اطلع اللى جوايااااااااااااااااااا

Plz Meat El-Ne3na3y

Plz Meat El-Ne3na3y

1,2,3,4,50,100,300,400,1000,2000,100000000000000000000
ايون هو دا بالظبط اخر رقم اللى انا كنا عايزه الكبير دا ايوه . عندكوا فكرة انا قلت كمية كلمة انا اسف و سورى كام مرة لو توقعتوا عمركوا ما حتوصلوا للرقم الاخير دا اللى انا مش عارف اقراه اساسان عشان كدا عملت الحوار دا مع واحد كان نفسى اكلمه من زمان ووصلتله اخيرا
النعناعى :1,2,3,4,50,100,300,400,1000,2000,100000000000000000000000000000000
نفسى : ايه يابنى بتعد ايه ؟؟؟؟؟ انتا عبيط و لا ايه ؟
النعناعى : بقولك ايه سبنى فى حالى دلوقتى مش ناقصاك
نفسى : طب قولى يمكن اساعدك انا انتا ناسى انى الوحيد اللى بتفضفضله
النعناعى : صح عند حق طب انا حقولك بس اوعدنى متقولش لحد و لا تكتب فى الجروب و لا المدونة
نفسى : عييييييييييييييييييب تعرف عنى كدا يا نيعو يا حبيبى
النعناعى : ماشى لما نشوف . بص يا سيدى المشكلة دلوقتى انى عمال اعد كام مرة قلت فيها اسف و سورى مش عارف الرقم كل شوبة عمال يزيد و مش فاكر اخر رقم وصلتله
نفسى : تااااااااااااااااااانى يابنى حرام عليك مانا قلتلك انتا اللى غلطان
النعناعى : غلطان ازاى بس فهمنى تانى معلش
نفسى : هه ماشى يا نيعو تانى . انتا يا عم عندك نفس المشكلة بقالك سنين انك على طول بتقول اسف
النعناعى : و ايه يعنى مش ببقى غلطان لازم اقول
نفسى : يا عم استنى مقلناش حاجة بس انتا سواء بتبقى غلطان او مش غلطان بتقول انا اسف . حتى لو حد غلطان فيك جامد انتا اللى بتصالحه دا عبط
النعناعى : احترم نفسك و بعدين انا مبحبش حد يزعل منى عشان كدا انا اللى بصالح الاول
نفسى : بس يابنى مش كدا حد مزعلك ازعل خد اى موقف انتا عمرك ما زعلت من حد
النعناعى : يا سلام و انتا ايش عرفك يعنى
نفسى : !!!!!!!!!!!!!!!!!!! انتا انا و انا انتا
النعناعى : اه صح نسيت دى معلش
نفسى : ما علينا . انا قصدى انك لما حد يزعلك او يعاملك وحش ليه تصالحه من حقك ان هو يجى يصالحك
النعناعى : عندك حق
نفسى : و فى حاجة كمان لو زعلان من حد و لسه باقى عليه ممكن تقوله انا زعلان منك فى كذا و كذا بس شرط متقولش انا اسف او سورى
النعناعى : و حبطل اعد كام مرة عملت كدا
نفسى : صدقنى اه دا وعد منى
النعناعى : خلاص ماشى اجرب و اشوف

دا بالظبط الحوار اللى حصل جوايا لسه فى حاجات كتيييييييير عايز اغيرها فى نفسى و ان شاء الله حعمل كدا و حبدأ بالنقطة دى

النعناعى : انتا بتستعبط انتا كتبت ليه فى الجروب و البلوج عن الحوار دا
نفسى : اعمل ايه بقا مانتا عارفنى
النعناعى : خلاص ماشى يا عم انا اسف
نفسى : لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

انا اتعلم عليا

سابلى قبل ما يمشى ذكرى
يحكى ان فى شاب فى كلية حاسبات و معلومات اسمه نيعو وقف مرة فى المحاضرة و قال للدكتور بتاعه حاجة من طراز "المنهج كبييييييييير يا دكتور عايزين نقلل شوية عشان نلحق نذاكر" و اذ بى افوجىء بالدكتور يلا اقفل الكتاب و الشبتر مشروح سلام
سيبكوا من كل دا اللى عايز اتكلم فيه اللى حصل بعدها اتبعتلى جواب على البيت انى غيبت 3 سكاشن و ممكن يتم حرمانى من دخول الامتحان بتاع المادة دى مع العلم انى مغبتش خالص
سامع صوت من بعيد بيقولى ايون يابنى هى دى مصر . حتى لو هى دى مصر المشكلة مش فى كدا المكشكلة ان الجواب دا اتبعت على البيت و ابويا هو اللى قراه . ابويا بقا جاله الجواب من هنا و اتصل بيا و راح مديهوملى على طول و هوب اديلو و انا ساكت مش عارف اقول ايه . الراجل بردو عنده حق هو باعت ابنه عشان ينام و لا يحضر السكاشن
انا بس كنت عايز احكيلكوا على الموقف مش اكتر

كيتو

ارحمونااااااااااااااااااااااااا ايه الناموس دا كولوا مش عارف ليه بقيت خلاص من عشان الكيتو مع انى مبحبش ريحته خالص حاسس انى حعمل قريب رابطة عشاق الكيتو ان شاء الله :D
ايه دا بجد انا عمرى ما توقعت اشوف كمية الناموس دى و انا فى الزقازيق بجد حرام لا بنعرف ننام ولا نذاكر ولا حتى نتفرج على فيلم كل شوية اهرش اهرش و بعد كدا نشتم وبعدين تلاقى الشقة كلها بتسب و تلعن لغاية لما يجى المنقذ ابو 6 بجنيه حبيبنا حطفى الكهربا ونام
هو اه بيريحنا بس انا عايز اقولكوا ان لا ناموسة و لا دبانة فى الزقازيق بتستسلم لازم تطلع ............ الاول و الكميات ايه بقا مرةدخلت الاوضة لقيتها سودا من كتر الناموس اللى فيها
اه و الكيتو فى الزقازيق مش معناه " امشى يا ناموسة يا مفعوصة متقرصنيش" لا بيفضل بردو ناموس بس بالكميات اللى ممكن ننام معاها يعنى 100 او 200 كدا ومن الحجم الكبيييييييييييير كمان
بقلنا اربع سنين على الحال دا و لا بقا ايام الامتحانات اننا ننام ابدا ازاى الناموس يقوم عامل حزب علينا ومبيقرصش ايام الامتحانات بالذات هوبيزن بس مش عارف ليه الله اعلم
الناموسة البيج بوس : حاسبات عندها امتحان انشروا القوات وعندنا اوامر بالذن بس فاهمين طلعوا ......... احنا فى ايام امتحانات
وكل سنة بيرشوا فى الزقازيق والناموس بيزيد والدبان بيكتر هما بيرشوا ايه بالظبط؟؟؟ . نناشد كل ناموس الزقازيق بقبول عرض هدنة ابوس ايد الناموساية اللى خلفتكوا سيبونا فى حالناااااااااااااااااااااااااااااااااااااااااا

To Be Or Not To Be

يوم الخميس بعنوان

To Be Or Not To Be

مش عارف ايه اللى خلانى اقول انا عايز اشرح فى المحاضرة ..... لا طبعا انا عارف عشان انا بطيخة فى الشرح خالص وكنت حاسس طول الوقت وخوفى الكبير انى مبعرفش اقف ادام ناس و اشرحلهم و اقنعهم عشان كدا اتحديت نفسى و قلت لنفسى امتى بقا حاخد ثقة فى نفسى
طب انا بعمل كل دا ليه قصدى يعنى انه مش اجبارى عليا اقولكوا انا .... جزء من طموحى عايز ابقى متحدث قوى ان شاء الله و نفسى اخد كورسات فى دا كتير بس قبل كدا حبيت اخد خطوة الاول وسط صحابى فى الكلية و اتكلم معاهم على الاقل قصدى يعنى وقوفى فى المدرج عشان اقيم نفسى اوحد يقيمنى على الاقل
الحمد لله اخيرا الناس اتبسطت منى اوى النهارده وواحد قالى هو انتا بتاخد كورسات فى البريزنتاشن عشان شرحك كويس اوى . هو قالى كد و كنت عايز اطير مكنتش مصدق دا بيتكلم عليا انا الحمد لله ان فى واحد قالى كد اساسان و بعد كدا الناس كلها الحمد لله
بس الحلو ميكملش .... العيوب بقا عشان اقدر اصلحها ان شاء الله المرة اللى جاية

1- بتنطط كتير و انا بشرح شكلى بيبقى مسخرة هههههههههههه
2- استظرفت زيادة عن اللزوم بس الناس الحمد لله قبلته شوية
3- بتنرفز و انا بشرح وانا فعلا كدا عايز اتكلم هادى شوية عشان بعد كدا

ادعولى فى المرحلة اللى جاية اعمل حاجة ان شاء الله

To Be Or Not To Be